Амжилттай энтерпрюнер болохын тулд (бидний хувьд хуульч, өмгөөлөгч) та өөрийн унших номын тоо болон чанарыг өсгөх шаардлагатай. Бид Билл Гэйтс болон Бэн Кэйрсон нар номыг хэрхэн хайр найргүй уншдаг байсан талаарх түүхийг сонсож л байсан. Унших гэдэг нь олж авахад хэцүү чадвар ч гэлээ, таны бизнесийг өргөтгөхөд тустай зүйл юм.
Анх би 21 настайдаа номыг сонирхон судалж, уншиж эхэлсэн ба тэр үед их л удаан бөгөөд эцэст нь ямар ч тогтсон ойлголтгүй төгсгөдөг байлаа. Сард ойролцоогоор 1-2 ном уншиж байсан ба чухам тэндээс юу олж авснаа нэг л санахгүй байв. Бараг л найдвар тасарлаа.
Нэг номыг уншаад нөгөөрүү шилжих үйл явцыг хэрхэн сайжруулах аргыг нээж илрүүлэхийн тулд уншсаар л байлаа. Сард 1-2 тооны уран зохиолын бус ном уншдаг байсан бол дараагийн сард 5-аас илүү болголоо. Бүр сүүлдээ 6-8 ном унших болов. Одоо би сард 10 илүү ном уншиж байна. Энэ нь ойролцоогоор 3 өдөрт 1 ном юм. Өөрөөр хэлбэл, доорх 5 техникийн тусламжтайгаар та ч бас жилд 100 илүү номыг уншиж чадах юм. Унших хурдаа түргэтгэхээс гадна түүнийг ойлгох ойлгоцыг сайжруулах 5 аргыг сонирхоно уу.
ТҮРГЭН УНШИЖ СУРАХ
Ингэхдээ эхний ээлжинд тусгай курст элсэх эсвэл түргэн хэллэг бүхий ном олж уншаарай. Ер нь интернэтээс үүнтэй холбоотой эх сурвалж, мэдээллийг олноор олж болно. Энэ сэдэвтэй ойролцоо, миний дуртай номнуудын нэг нь Питер Кампын “Түргэн унших ухаанд нэвтрэх арга зүй” юм.Миний хувьд аливааг уншихдаа хуруугаа ашигладаг. Энэ нь надад дотроо чангаар унших мэдрэмжийг өгдөг юм. Мөн хуруугаа дагуулан харж унших учир өөрийн эрхгүй мөр бүрийг бүхэлд нь харах бололцоотой болгодог. Энэ аргыг ашигладаг би өмнө нь минутанд 200 үг уншдаг байсан бол одоо 1000 илүү үгийг уншдаг болжээ. Алдартай хүмүүсийн намтар сөхвөл, Жозеф Сталин өдөрт 400 хуудас уншдаг байсан бол Жонн Кеннеди минутанд 1200 үг уншдаг байсан байна. Гэхдээ тэд хурдан уншдаг байсан болохоос миний баатрууд биш л дээ.
НЭГ БҮРЧЛЭН УНШИХ ХЭРЭГГҮЙ
Энэ бол нэг ёсондоо тогтчихсон ойлголт, хуудас бүрээр нь унших. Ийм аргаар уншвал та ялих шалихгүй зүйлд цагаа дэмий зарцуулж байна гэсэн үг юм. Дундаж ном 1 юмуу 2 гол санааг өгүүлдэг бол сайн нь 2-3, агуу нь 4-5 санаа дэвшүүлдэг. Үнэндээ, дийлэнх номнууд дундаж түвшнийх байдаг. Дундаж аутор 20 хуудсанд өөрийн гол санааг багтаадаг боловч ийм цөөхөн хуудастай ном масст хүрч, худалдагдахгүй шүү дээ. Тиймээс л ерөнхийдөө хэмжээг нь томсгохын тулд 200 хуудас яаж ийгээд нэмдэг байх нь.Намайг буруугаар ойлгох хэрэггүй шүү, агуу ауторууд номоо том, зузаан болгохыг хүсэхгүй. Гэвч та одоо өөрөөсөө асуудаа, дахин дахин уншаад л баймаар агуу номыг та хичнээн тоогоор нь мэдэх вэ? Хэрэв ном өөр хооронд гоц ялгарах зүйл байдаггүй гэж бодож байвал тэднийг нэг бүрчлэн унших нь бидэнд ялгаатай байх гэж үү? Ялгаагүй шүү дээ!
Ингэхийн оронд та барьж авсан номын утга санааг ойлгохын төлөө түргэн гүйлгэж уншихыг бодох болно. Бүр зөвхөн гарчиг хэсгийг нь харчихсан ч яахав, ингэвэл аутор буюу зохиогчийн тарааж хаясан гол санааг ойлгоход танд тус болох болно. Шаардлагатай гэвэл дахин унших шаардлагатай гэсэн хэсэгт тэмдэглэгээ хийж болно шүү дээ. Мэдээж хэрэг, хэн нэгнээс зээлсэн болон найзынхаа, бас номын сангийн ном дээр тэгэх хэрэггүй.
Дараагаар нь, 2 дахь оролдлогоор, ойролцоогоор 30 минутын турш унших болно. Ингэхдээ та номын өөрт таалагдсан аль нэг праграфийг сонгоорой. Чухам энэ үед л та өөрийн мэдэж авах гэсэн хэсгийг гүйлгэн уншсанаар номын агуулга таалагдаад эхэлнэ.
Цаашилбал, сонирхол татсан, өөр хэсэг үлдсэн бол түүнийг уншихаар ойролцоогоор 1-2 цагийг 3 дахь оролдлогоор үрэх болно. Энэ мэтээр таалагдсан зүйлээ уншаад байвал номыг бүхэлд нь унших сэдэл төрөх, эсвэл зөвхөн түүний гол санаа нь таны толгойд үлдэх болно.
Ингээд төсөөлөөд үзвэл, бид 3 цагаас бага хугацаанд 1 номыг уншаад ойлгочихлоо.
Дүгнээд үзвэл та 1 ном унших хугацаанд 10 ном гүйлгэж уншаад, түүний гол санааг ойлгох нь илүү чухал юм. Тооцоод үзвэл, жилийн хугацаанд бусад хүн 12 ном уншсан байхад та 120-ыг цааш харуулчихсан байх боломжтой байна.
ЦАГИЙН ХЯЗГААР ТАВЬ
Уншиж буй зүйлдээ цагийн лимит тавих нь таны анхаарлыг төвлөрүүлэхэд тустай. Жишээ нь: 300-400 хуудастай ном байлаа гэхэд 4 цагийн хязгаар тавь. Дунд нь ямар нэг сатааруулах зүйлгүйгээр, 100 хувь анхаарлаа төвлөрүүлээд уншаарай.Энэ аргын түлхүүр нь таныг өөрийн барьж авсан номоо богино хугацаанд уншаад дуусгахад чиглэх юм. Хэрвээ та үнэхээр энэ аргыг туршихаар өөрийгөө хүчилбэл, хэн бүхэн чадна гэж би батлах байна. Чадахгүй гэвэл, та 1 сарын лимит тавь. Энэ хугацаанд та тийм ч эрч хүчтэй байж чадахгүй, учир нь таны анхаарал олон зүйлд төвлөрч, сарнина шүү дээ.
Маш олон хүн унших явцдаа судалгаа хийх гэдэг. Мэдэхгүй, ойлгохгүй үг таарах бүрт интернэт орох, тайлбар толь эргүүлж сууна гэвэл таны анхаарал суларч, номыг уншиж дуусгах хугацаа сунжирах болно. Харин оронд нь номыг удирд, номоор өөрийгөө удирдуулж болохгүй. Мэдэхгүй үг өгүүлбэр бүхий хэсэг, праграф байгаад байвал тэр хэсгийг тэмдэглээд, бүр төгсгөлд нь уншаарай.
ЭХЛЭЭД EASY НОМ УНШААРАЙ
Ерөнхийдөө таныг өөртөө итгэх итгэлтэй болгоход чиглэсэн арга юм. Хэрэв та шууд л академик төрлийн 1000 илүү хуудастай бүтээл юмуу Библийн Кинг Жэймс хувилбарыг уншаад эхэлбэл юу болох нь ойлгомжтой. Тэгэхээр 100-150 хуудастай жижиг номноос эхлээрэй. Тэдгээр нь олон чиглэлийн, хэд хэдэн ном байвал зохино. Тэгээд 7 хоногт 1-2 номыг цаашаар нь харуулахаар төлөвлөөрэй. Ингээд энэ явцад итгэлтэй болсон бол номоо томруулсаар байна.Зарим ном ойлгоход үнэхээр төвөгтэй байдаг. Намтар болон шашны катогерийн номнууд үүний жишээ нь. Та анхлан суралцагч бол ийм ном уншиж будлихыг хүсэх хэрэггүй. БАГААС ЭХЛЭЭД ТОМРУУ ЧИГЛЭ!
ЗӨВХӨН САЙН НОМ УНШ
Уншиж эхлэхээс өмнө үнэхээр энэ ном өөрт тань хэрэгтэй үгүйг бодоод үзээрэй. Тодруулбал, та өөрт тулгарсан асуудалд шийдэл олохоор аливаа номыг сонгодог байх. 10 минутын хугацаанд эсвэл богино хугацаанд судалж үзээд та үнэхээр хэрэгтэй эсэхийг нь шийд.Дахиад нэг өөр зүйл бол унших номоо 1-10 хүртэл зэрэглээд, ангилаад үзээрэй. Хэрэв чухал шаардлагатай бол 10 онооноос доош зэрэглэл бүхий ном унших хэрэггүй гэж үзнэ. Хэрэв таны сонгосон ном танд уйтгартай, сонирхолгүй бол унших гэсний хэрэггүй. Энэ аргад суралцахын тулд та сард 10-20 ном уншина гэж тооцоолоод, өөрт байгаа номнуудаа нэг газар эгнүүлээд тавь. Тэгээд үзэж байгаад таалагдсанаа сонгоно. Оронд нь дахиад өөр нэг ном нөхөж тавих байдлаар цааш сонгож уншина. Гол нь таны ном таны сонирхолын татсан байх ёстой юм шүү, үгүй бол та номоо буруу сонгожээ гэж ойлгож болно.
Бидний мэдэх номын сангууд бол эрдэнэсийн сан юм, түүнийг та хэрхэн ашиглахаа мэддэг байх хэрэгтэй. Мөн өөрийн эзэмшлийн эрдэнэсийг цуглуул, тэмдэглэл хөтлөөрэй.
Ном унших нь таныг гайхамшигт хөтөлдөг. Номонд орж, түүний сайн сайхныг мэдрэх нь танд ч, хэнд ч нээлттэй. Номын утга, агуулга, хэллэг, егөөдөл, захиас зэргийг та тааламжтайгаар хүлээж аваарай. Бас мэдлэг, мэргэн ухааныг олж аваарай.
Эх сурвалж: Entrepreneur.com
Comments