Сайн хуульчаас агуу лидер болох 7 арга зам

Та хуульч болохын хувьд бие даасан ч бай, хэн нэгний туслах ч байсан бай, том фирмийн партнер ч бай та бол лидер юм. Үйлчлүүлэгчтэй уулзаж, хамтран ажиллагчидаа дэмжиж, шүүхийн танхимд хүртэл хуульчид лидер шиг байх хэрэгтэй болдог. Гэвч энэхүү лидер байх чадвар нь үнэхээр гайхалтай хэн нэгэнд ч олдохгүй байх нь бий. Үүнийг практикаас болоод бие дааж хөгжүүлэх байдлаар олж авдаг. Тэгэхээр энд сайн хуульчаас таныг лидер болгоход чиглэсэн 7 арга зам байна.

Хариуцлагыг гартаа авах: Лидер хүн тэргүүлэгч байх хэрэгтэй. Энэ нь ямар ч тохиолдолд болон шийдвэрээс өөрт ноогдох үүрэг хариуцлагыг хүлээж, ухамсарлах тухай ойлголт юм. Ямар нэгэн муу үр дагавараас үүдэлтэй асуудлаар фирмд байх хэн нэгнийг буруутгах хэрэггүй. Харин асуудал бүрт таарах гарцыг боловсруулж, тэрхүү шийдвэрээс гарах хариуцлагыг өөртөө хүлээж ав.

Асуудлаас нуугдах хэрэггүй: Агуу лидер байхын нэг хэсэг нь хэцүү нөхцөл байдлыг зохицуулах чадвар юм. Ажлын орчныг Амазон загварын тулааны клуб болгох хэрэггүй ч эелдэг болоод Yes хүмүүс гарч болох аливаа санал зөрөлдөөн, нээлттэй мэтгэлцээнээс нуугдаад байдаггүй.

Багтаа ухаалаг нэгнийг элсүүл: Та баг шигээ сайн ч бас ухаалаг нэгэн билээ. Таны нарийн бичиг илгээх албан тоотын зарим алдааг шүүж, залуу мэргэжилтэн танд хэрэгтэй судалгааны дүгнэлт үзүүлж, таны туслах өмгөөллийн гайхалтай санааг гаргаж өгдөг байхыг та хүснэ. Ийм байхад та би эвдрэх вий хэмээн санаа зовох зүйлгүй.

Ажилчидтай холбоотой ажиллах: Хөшигний ард нуугдах хүн эсвэл оффисын буланд цоожтой өрөөний цаана суух босс болохоос сэрэмжил. Хэтэрхий их зай барьсан байдал тань лидер болоход саад хийнэ. Тодорхой хэмжээний цагийг фирмийн ажилчидтай танилцах, хувь хүн талаас нь танихад зарцуулаарай. Тэдний давуу талыг мэдсэнээр хожим өөрсдийнх нь чадварыг зөв ашиглахад танд тустай болно.

Шинийг сэдэх, санаачлага гаргах: Лидерүүд ирээдүйг төлөвлөдөг. Хуулийн салбарын трендийг мэддэг байж, шинэчлэлийн талаар санаа сэдэл боловсруулж, түүнийгээ туршихад нээлттэй ханд. Алтны дэргэдэх гууль шарладаг шиг энэ байдал багийн тань гишүүдэд ч нөлөөлнө.

Алдаа оноог, амжилтыг цэгнэ: Ирээдүйг төлөвлөхийн нэг хэсэг нь өнгөрснийг цэгнэх явдал юм. Тиймээс таны хуулийн практикт өнгөрсөнд хийсэн ямар зүйл зөв эсвэл буруу байсныг эргэцүүлэх цаг өөртөө гаргаарай.

Ментор: Агуу лидерүүд чадвараа бусадтай хуваалцдаг. Ингэхдээ та заавал албан ёсоор хэн нэгнийг хариуцаад тулж ажиллахаас илүүтэй өөрийн багт ажиллуулснаар тэднийг хөгжүүлж, ингэснээр багийн чадварт хүч нэмээд зогсохгүй, та өөрийн ойрын хүрээлэлд итгэлцлийг бий болгох болно. Энэ нь таныг сайн лидер болгоход ч тустай юм.

Эх сурвалж: Casey Sullivan, Findlaw