Ер нь хэцүү, бүр шантрамаар биш байлаа ч гэсэн зүгээргүй. Лав л хичээлийн жил эхлэлээ гэхэд шинээр үзэх хичээлүүд танаас маш их хичээнгүй байдал, тэвчээр шаарддаг. Хуулийн сургуульд бол лав л зүгээр суулгаад байдаггүй юм. Энэ мэт зүйлсээс болоод зарим хүмүүс амьдралаа өөрийнхөөрөө залан авч явахаар хуулийн сургууль гэлтгүй дээд боловсролыг академик аргаар олж авахаас татгалзан хаядаг. Бид Билл Гэйтс, Марк Закербэрг, Стив Жобс, Майкл Дэллийн түүхийг мэднэ. Тэд бол мэдээллийн технологийн салбарын улсууд.
Гэтэл хуулийн салбарт, тэр дундаа хуулийн сургуульд суралцаж яваад дундаас нь хаяад хожим ажил, амьдралаараа нэр алдарт хүрсэн цөөнгүй алдартнууд байдаг байна. Тэднээс дурдвал, Америкийн ерөнхийлөгчдийн түүхэнд 6 хүн байдаг. Бидний мэдэхээр Линдон Жонсон, Харри Трумэн, Вүүдров Вилсон г.м. Жишээ нь, Түйдр Рузивельт хуулийн сургуулийг эргэлзээгүйгээр хаясан гэдэг. Учир нь тэрээр үүнийг ашиггүй зүйл гэж үзсэн. Нобелийн шагналт, АНУ-ын дэд ерөнхийлөгч асан Аал Гоор хуулийн сургуулиас илүү улс төрийн амьдралыг сонирхож эхэлсэн нь бас дээрхтэй холбоотой.
Философич, социалист номлогч Карл Маркс, сүмийн номлогч Мартин Луйтр ч мөн хуулийн сургуулийг орхигсод. Хэрэв та үнэхээр бүтээлч сэтгэлгээтэй бол дараах хүмүүст анхаарлаа хандуулаарай. Жэймс Дийн, Харпер Лий зэрэг нь мөн хуулийн сургуулийн бэлтгэлд суралцаж байсан. Габрил Грасиа Маркес нь 1950 оны үед мөн л зүрх сэтгэлийхээ дуудлагыг сонссон уу яасан мөн л сургуулиа хаясан, үр дүнд нь “100 жилийн ганцаардал” зохиолоороо Нобелийн шагналт хүртсэн гэдэг.
Манай нөхцөлд дунд сургууль төгсөгчдийн дийлэнх нь дээд боловсрол эзэмшихээр дуртай дургүй суралцдаг үзэгдэл бий. Үнэндээ энэ нь тэдний эцэг эх хүүхдээ сонсдоггүйтэй, хайхардаггүйтэй, мөн тухайн суралцагчаас өөрийн хариуцлагагүй байдлаас ч шалтгаалдаг. Эцэст нь цаг хугацаа, хөрөнгө мөнгөөр шатдаг. Тиймээс дээрх хүмүүстэй адил яагаад өөрт сонирхолтой зүйлээрээ ирээдүйгээ харж болохгүй гэж?
Үнэндээ би ч гэсэн одоо гайхаж л байна, цаг хугацаа ийм хурдан урсан өнгөрдөг болохыг. Гэхдээ надад буцах зам байхгүй ээ. Үндсэн чиглэл, бүр байя гэхэд өөр нэг мэргэжилтэй түүнийгээ хослуулан цаашдын амьдралдаа хуулийн сургуулиас олж авсан мэдлэг, мэргэжлээ хөгжүүлэн үргэлжлүүлэх болно. Тиймээс ямар ч байсан бай ирээдүйрүүгээ итгэл дүүрэн алхах нь зөв сонголт болох буйза.
Та ч гэсэн сонголтоо эрт орой гэлтгүй хийж, заавал зорилготой болоорой. Амжилт хүсье!
Comments