Идэвхтэй компьютерийн өмнө суудаг хүний хувьд интернэтээр юу эсийн тухай мэдээлэл авч болох вэ, хэдэн сарын өмнөөс ихэвчлэн Америк хуулийн оюутнуудын өдрийн тэмдэглэл буюу блогийг сонирхдог боллоо. Тэд онолдоод байхгүй ч дан ялангуяа өөрсдийн мэргэжлийн найзууддаа хэрэг болохуйц заавар, зөвлөгөө, мөн бусад мэдвэл зохих олон талын сонирхолтой бичлэгүүдийн нийтэлдэг харагдсан, мөн давхар өдрийн тэмдэглэлээ.
Гол сэдэврүүгээ ороё. Миний л ажигласнаар манай хуульч, энэ чиглэлийн бас оюутнууд интернэтийг гол болгож ашиглахгүй юм. Юунаас анзаарав гэхээр, Гүүглээс эрх зүйн мэдээллийн блог, сайт гээд хайхаар өнөөх л хэдэн гэмт хэргийн тухай мэдээллийг агуулсан сайтууд, Legalinfo гэх мэтээс хэтрэхгүй байна. Аа гэхдээ, мэр сэр байнаа, дурдвал, Галбаатар гээд хүний блог, Жаргалхандын блог, Криминологчдын нэгдсэн мэдээллийн блогууд л онолын болоод практикт ач холбогдолтой мэдээлэл, зөвлөгөө, нийтлэлийг бичиж байна. Энд бас Асуулт.нэтийг дурдахгүй байхын аргагүй. Тэнд хуульчид бас байдаг.
Энэ удаад би оюутнуудад л хандах гээд байгаа юм, бүгдээрээ сайн боловсон хүчин болон бэлтгэгдээд ирээдүйд нэг салбарт ажиллах гэсэн нэг хүсэл зорилготой байгаагаас хойш эв санаагаа нэгтгэн, эсвэл тус тусдаа, бие биедээ, эцэстээ хуулийн сургуулийн нийт оюутнуудад, сонирхогчдод тус болохоор, тэдний чөлөөт цагаа зөв боловсон өнгөрүүлэх интернэт талбарыг яагаад та бүгд бий болгож болохгүй гэж?
Блог хөтлөхийн сайн, муу талуудыг авч үзэх гээд оролдоё л доо.
МУУ ТАЛ
1. Эхний зүйл нь мэдээж эрүүл мэнд, яаж ч бодсон компьютер дээр удаан ажиллах нь эрүүл мэнд, бие эрхтний хувьд хортой нөлөөтэй байх авч нэгийг бодож хоёрыг тунгаах чадвартай, эрх зүйн чадвар, чадамжтай энэ тэр гээд… оюутан, залуусын хувьд энэ бол сүртэй асуудал биш байх гэж бодож байна. Тухайн хувь хүний зөв хэрэглээнээс шалтгаалах л зүйл юм.2. Дахиад нэг муу тал цаг хугацаа байж болно. Цаг бол алт гэдэг. Сурч боловсрох үндсэн үүргээ биш хэт блогширч алтан цагаа алдах нь зарим хүмүүсийн хувьд блог хөтлөхийн муу тал байж болно. Гэхдээ энэ чинь бас л хувь хүний ухамсар, төлөвшил, зөв хэрэглээний асуудал шүү дээ.
САЙН ТАЛ
Харин ч муугаасаа хэд дахин их бий шүү. Жишээ нь:1. Үзэл бодлоо чөлөөтэй илэрхийлэх боломж. Ардчилал танд боломж, сонголтыг олгодог гэдэг. Түүнийг зөв хийснээр үр дүнг нь яг л энэ бичлэгт зөвлөж байгаагаар авна. Аливаа нэг асуудлын талаар (бас мэдээж хууль зүйн шинжлэх ухаан талаас нь) өөрийн мэдлэг, туршлага дээр үндэслэн дүгнэлт саналаа боловсруулаад түүнийгээ өөрийн эрх чөлөөний талбар болсон блогтоо бичээд оруулаад байвал, нэгт. Таны бичих чадвар, бичгийн найруулгын чадвар сайжирна, хоёрт. Мэргэжил нэгт хүмүүст, оюутнууддаа өөрийн байр суурийг илэрхийлж байхаас гадна тэдэнд зөв мэдлэг мэдээлэл олгох боломжыг та л түрүүлж бий болгодог нь бас нэг хариуцлагатай ажил гэлтэй.
2. Энэ бол цэвэр маркетинг, мөн бусдад өөрийгөө сурталчилах боломж тийм үү? Гэхдээ үндсэн зорилго бол мэдээж нийтэд хэрэгтэй мэдээлэл, зөвлөгөөг өгч, тараах билээ. Миний ч блог хөтөлж буй зорилго дээрхтэй адил. Энэ хэсэгт маркетинг талаас авч үзэж байгаа болохоор (миний ч маркетинг менежмент мэднэ гэж юу байхав) энэ талаар жаал өгүүлье.
Жишээ авбал, Андрюв Флушэй гэх нөхөр байж, тэрээр Виржиниагийн хуулийн сургуульд суралцаж байх хугацаандаа хууль зүйн онол практик хосолсон бөгөөд оюутны амьдрал, тэдэнд заавар зөвлөгөө бүхий блог хөтөлдөг байсан нь түүний оруулсан мэдээллүүд яваа яваандаа олширох, хандалт ч нэмэгдэх, интернэт ертөнцөд (блоггеруудын дунд) алдартай болох нөхцлүүдийг бий болгосон гэдэг. Тэр үед мань хүн омогшиж, бардахдаа улам ихийг блогтоо хийгээд л байж, эцэст нь энэ бүхний үр дүнд түүний хуулийн сургуулиас хуулийн салбарт орж ажиллах хүсэл эрмэлзэл дээд цэгтээ хүрээд зогсохгүй (блогт өөрөө мэдээлэл нийтлэх гэдэг маань тухайн хүнээс тодорхой мэдлэг болоод мэдээллийг хайх хэрэгцээг зайлшгүй шаарддаг болохоор энэ хэрээр блог хөтлөгч маань ихийг уншиж, мэддэг) хэд хэдэн хуульч, өмгөөлөгчид нэр нь ч хүрч, бас л танил болж чаджээ. Учир нь түүний блогийн хандалт 1 сарын хугацаанд 7000 гарч байсан гэдэг. Одоо Андрюв сургуулиа төгссөн бөгөөд өөрийн Andrew Flusche гэх эрүүгийн хэрэг голлосон хуулийн фирмийг байгуулсан бөгөөд мөн давхар Виржиниагийн Дээд шүүхийн тусгай агентлагт ажиллаж байгаа юм байна.
Энэ бол ердөө нэг л жишээ. Америкийн хуулийн сургуулийн оюутнуудын блог интернэтэд их л олон байдаг юм билээ. Та бүгд сонирхоно гээд тэдгээрийн жагсаалтыг удахгүй энд оруулах болно.
За тэгээд миний дурдаагүй олон давуу талууд бий. Та мөн өөрийн хөтөлдөг блог байгаа бол түүнийгээ, эсвэл нийтлүүлэх хүсэлтэй сонирхолтой нийтлэл, мэдээлэл байвал холбоо барьж надад мэдэгдээрэй. Амжилт хүсье!
Comments