Хуульчдын хувийн бренд үүсгэх checklist

Хуулийн сургуульд бренд хэрхэн үүсгэх, маркетинг хэрхэн хийх гэх мэт бизнесийн чанартай хичээл заадаггүй. Ийм тохиолдолд манай хуульчид хэрхэн өөрсдийн брендийг бий болгож, боломжит үйлчлүүлэгч нарт таниулах, мэргэжлийн үйл ажиллагааны цар хүрээгээ тэлэх вэ? Хэрэв та сонирхож байвал дараах 10 зөвлөгөөг дагаарай.

1. Юун түрүүнд та өөрийн мэргэших эрх зүйн салбараа зөв тодорхойлж, танин мэдэх.
2. Зорилтот үйлчлүүлэгч нараа тодорхойлох. Хэн, ямар хувь хүн, байгууллага таны эцсийн үйлчлүүлэгч байх вэ, мөн тэд хуульч, өмгөөлөгч хайхдаа ямар эх сурвалж ашигладаг болохыг нь мэдэх.
3. Таны зорилтот үйлчлүүлэгч нарт тулгарах байнгын асуудал болон хэрэгцээг танин мэдэх.
4. Та үйлчлүүлэгч нартаа хууль зүйн ямар төрлийн үйлчилгээ үзүүлэх вэ, таны мэргэжлийн чадвар буюу үйлчлүүлэгчийг өөртөө татах давуу талууд юу болохыг тодорхойлох.
5. Ажиллахаар зорьж буй зах зээлийн тань тухай мэдээллийг хүмүүс дараах хэлбэрээр олж авахуйц байх: Номын ишлэл зүүлт, Блог, веб сайтууд, Хэвлэл мэдээллийн хэрэгсэл, Мэргэжлийн холбоо, салбарын хуралдаан, Нийгмийн сүлжээ.
6. Дараах сувгуудаар зорилтот үйлчлүүлэгч нартаа зориулсан мэдээлэл хүргэх. Веб сайт, Блог, Нийгмийн сүлжээ, Телевиз, сонин, радио, бусад арга хэмжээ, Маркетингийн автоматжуулалт.
7. Дараах хэлбэрээр боломжит үйлчлүүлэгчид чиглэсэн контент бэлтгэснээр та тэдэнд өөрийнхөө мэргэжлийн ур чадварыг харуулах боломжтой. Блог бичих, Нийтлэл бичих, Судалгааны ажил туурвих, Подкаст хийх, Видео хийх, Илтгэл тавих, Ном бичих.
8. Таны хувьд хамгийн үр дүнтэй маркетингийн суваг аль нь болохыг тодорхойлох. Жишээ нь ямар замаар та үйлчлүүлэгч олоод байх боломжтой юм шиг байна, бичсэн ямар мэдээлэл тань хамгийн ихээр ишлэгдэж, сошиал сүлжээнд share хийгдэж байна гэх мэтээр танин мэдэх.
9. Тогтмол, идэвхитэй байх. Өөрөөр хэлбэл, үйлчлүүлэгчид чиглэсэн маркетингийн шинжтэй контентууд тань үргэлж шинээр бичигдэж, хийгдэж байх ёстой.
10. Цаг үеэсээ хоцрохгүй байх. Таны мэргэшлийн салбарт хувьсан өөрчлөгдөж буй хэрэгцээ, шаардлага юу вэ, таны ашигладаг маркетингийн суваг, контентийн хэлбэр өөрчлөгдөж байгаа эсэхийг хянаж байх.

Эх сурвалж: Attorney at Work