Компьютер дээр текст шивэхээр бол Microsoft Word програмыг ашиглах нь ямар ч эргэлзээгүй зүйл. Анх 32 жилийн өмнө гарснаас хойш өдгөө 1 тэрбум гаруй төхөөрөмж дээр ажиллаж, үг үсэг шивэх бүхий л тохиолдолд зөвхөн энэ програм л ашиглагдаж байна. Гэхдээ хэрэглэгчид үүлэн платформ, зөөврийн таблет ашиглах нь ихэссэн өнөөгийн байдлыг авч үзвэл Word – түүний давуу байдал багассаар байгаа нь харагдах болно.
Хэрэв та Билл Гэйтсийн гараас мултарч, өөр сонголтыг эрэлхийлж байгаа бол энд Word програмыг орлох 5 төстэй програмыг танилцуулах гэж байна. Тэдгээр нь Word програмаас дутахааргүй функц ихтэй, өөр өөрийн онцлогтой, хамгийн гол нь Майкрософтын ямар ч програмтай зохицож ажилладаг байх юм.
GOOGLE DOCS
Word програмтай хамгийн сайн өрсөлдөх нэг програм бол Google Docs. Онлайнаар ашиглагдах тус платформ нь Гүүглийн бусад програмууд шиг энгийн байх бөгөөд хэн бүхэнд үнэгүй байдаг. Үүлэн технологид суурилсан тул танд интернэт холболт байхад хаанаас бол хаанаас холбогдож ашиглах, хадгалсан файлуудаа Word, .PDF өргөтгөлөөр татах боломжтой юм. Гэхдээ л Word програмтай харьцуулах юм бол дутуу функцууд байх ба Гүүглээс энэ тал дээр нь сайжруулалт хийсээр байна.PAGES FOR MAC
Apple үйлдвэрийн компьютертэй хэрэглэгчдийн хувьд нэг сонголт нь Page for Mac юм. Хэрэглэгчдэд нээлттэй програм бөгөөд загвар дизайн гаргахад хамгийн сайн байхаар хийгдсэн. Энэхүү сайтнаас ньорж харахад л ойлгомжтой. Мөн Word програм шиг текст дээр ч сайн ажиллах програм юм. Зөвхөн Мак хэрэглэгчдэд хамаатай гэдгийг та санаарай.WPS OFFICE
Энэхүү шинэхэн програм нь олон төрлийн схем, дүрс зурахад хамгийн сайн нь гэгддэг. Мэдээж Word програмтай өрсөлдөх Word төрлийн хувилбар бий. Linux үйлдлийн системийн хэрэглэгчид их ашигладаг гэнэ. Товчхондоо, тус програм дээр зурах, дүрс оруулах, тектийг олон параграфт оруулах, тэдгээрийг хүссэн газартаа байрлуулахад танд яг тохирно. Мөн олон баримтыг зэрэг нээхдээ табаар (tab) харуулах бөгөөд ингэснээр дэлгэцэнд олон төрлийн цонх нээгдэж толгойг тань эргүүлэхгүй байх юм.LIBREOFFICE
LibreOffice бол нээлттэй эх бүхий програм хангамж юм. Хэрэв та “Мэдээлэл бүгдэд хүртээмжтэй байх ёстой” зарчмыг мөрддөг бол Word програмыг орлох програм энэ байх юм. Word програмтай эн зэрэгцэхгүй ч гэлээ үнэгүй бөгөөд өдөр ирэх бүр сайжруулагдсаар байгаа юм шүү. Та Word програмыг тултал нь ашигладаггүй гэвэл LibreOffice танд яг тохирно.OPEN OFFICE
Word програмыг орлох дахиад өөр нэг хувилбар бол 15 жилийн түүхтэй Open Office юм. LibreOffice програмтай нэг угсаа гаралтай боловч тийм ч төстэй бус. Open Office харагдах талаасаа, функц талаасаа жаахан сул боловч давуутай тал нь хэрэглэгчдийн идэвхитэй харилцаа ихтэй, заавар тусламж, үйлчилгээ нийтэд хүртээмжтэй байдаг явдал юм.Тэгэхээр, таны хувьд эдгээрээс аль нь Word програмын орон зайг эзэлж болохоор байна? Аль нь ч биш байж болох ч ирээдүйд аль нэг нь байж болох юм. Шинийг эрэлхийлэгч, туршигч, сонирхогч хэн бүхэнд дээрх програмууд Word шиг албан хэрэг хөтлөхөд тустай байна гэдэгт эргэлзэхгүй байна.
Эх сурвалж: Casey Sullivan, Findlaw.com
Comments