Хууль зүйн фирмд зуны амралтаараа дадлага хийх гэж байгаа эсвэл сургуулиа дөнгөж төгсөөд мэргэжлээрээ ажиллах гэж байгаа хүмүүсийн эргэцүүлэх ёстой нэг чухал асуудал бол ажлын ярилцлагын төгсгөлд асуугддаг “Танд биднээс асуух асуулт байна уу?” асуултанд хэрхэн хариулах вэ юм. Ажлын ярилцлага хэдий нэг талын хүсэл сонирхлоор чиглүүлэгдэн, явагддаг боловч та дээрх асуултын хариултаар нөхцөл байдлыг өөрчилж, тэрхүү хууль зүйн фирмд үнэхээр ажиллах хүсэлтэй буйгаа илэрхийлэх боломжтой юм. Тэгэхээр таны зүгээс ажил олгогчоос асууж болох жишээ 10 асуултыг оруулж байна.
Энэхүү фирм ирэх 5 жилд юунд хүрэхээр зорьж байна вэ?
Асуултын зорилго нь та онлайнаар болон бусад эх сурвалжаас тус байгууллагын талаар судалсан болохоо тэдэнд илтгэх юм. Учир нь нөгөө талаас өөрсдийн урт хугацааны стратеги, төлөвлөгөөний талаар ам нээж ер нь л ярихгүй байх. Харин танаас эргүүлээд “Та юу гэж бодож байна?” хэмээн асууж болох юм. Энэ тохиолдолд та хийсэн судалгааныхаа тайланг өгүүлээд, тэрхүү хууль зүйн фирмийн тавьсан зорилгынх нь төлөө, урт хугацааны туршид хамтран ажиллахаар төлөвлөж буйгаа илэрхийлэх ёстой юм.Та бүхэн шинэ ажилтнаас эхний 1 сард, эхний 3 сард ямар үр дүн хүлээх вэ?
Үүнийг асууснаар та тус хуулийн фирмд хэрхэн ажиллах талаараа үнэхээр нухацтай бодсон юм байна гэдгийг илтгэнэ. Танаас ярилцлага авч буй нөхдүүд ийм асуулт асуугдана гэдгийг төлөвлөөгүй учраас, тэдний хүлээлтээс хэтэрч, барьц алдуулж болох л юм.Танай хууль зүйн фирмд өнгөрсөн 3 жилийн хугацаанд орсон ажилтнуудаас хэдэн хувь нь өнөөдөр ажиллаж байна вэ?
Энэ асуултын хариултаар та тус хуулийн фирмд үнэхээр орж ажиллах хэрэгтэй юу, үгүй гэдгийг тодорхойлох юм. Хэрэв өндөр үзүүлэлттэй байвал сайн, бага байвал муу учир ажил олгогчоос танд ямар нэг тайлбар хийх байх.Одоо ажиллаж байгаа партнеруудаас хэд нь танай дээр хуульчийн туслахаас ажлын гараагаа эхэлж байсан бэ?
Эхний асуултын хариулттай адил, тухайн хууль зүйн фирмээс ажлын гараагаа эхэлж, ажиллах гэсэн чин сэтгэл эндээс харагдах болно.Таны хувьд энэхүү хууль зүйн фирмд ажиллахын эерэг тал нь юу вэ?
Энэ асуултын хариултаар тэрхүү байгууллагад ажиллаж буй хүмүүсийн орчин нөхцөл, уур амьсгал бүхэлдээ ямар байдаг тухай байгууллагын өдөр тутмын үйл ажиллагааг нь удирддаг /танаас ярилцлага авч буй/ хуульчийн амнаас сонсож, мэдэх юм.Та ажиллаж буй байгууллагынхаа соёлыг хэрхэн тодорхойлох вэ?
Байгууллагын соёл нь ямархуу болохыг тэдний зохион байгуулж буй үйл ажиллагаа, арга хэмжээнд очсоноор таньж мэдэх боломжтой байдаг. Таны хувьд дээрх асуултаар энэ тухай мэдэх боломжтой юм.Та шинэ ажилтныг ямар ур чадвараар нь үнэлж, дүгнэдэг вэ?
Өмнөх асуултуудын адил таны тус фирмд ажиллах чин хүсэл, сонирхлыг тань илэрхийлэх асуулт юм.Танаас ярилцлага авч буй партнераас өөрийн мэргэшлийн салбараа хэрхэн сонгож авсан тухай асуугаарай.
Ингэснээр та түүний карьерийн түүхийг сонсох ба үр дүнд нь өөрийнхөө туршлага болон ямар чиглэлээр мэргэшиж ажиллах сонирхолтой болохоо тэдэнд илэрхийлэх боломжтой юм.Таны ажиллаж буй салбарын хамгийн хэцүү нь юу вэ?
Энэ асуултаар ярилцлагын үед ажил олгогчоос танруу чиглэж байсан дайралтын хүчийг сулруулж, таны зүгээс өөрийг нь үнэхээр сонирхож байгаа сэтгэгдлийг нөгөө талд төрүүлнэ.Танай фирмд ойрын хугацаанд ямар боломжууд гарч ирнэ хэмээн харж байна?
Ажиллахаар төлөвлөөд буй хууль зүйн фирмийн болон өөрийнхөө ирээдүйд санаа тавьж буйг илтгэх асуулт юм.Эх сурвалж: The Student Lawyer
Зургийг JESHOOTS, Pixabay
Comments