Хэрэв та YouTube сайтаас ‘law student’ хэмээн хайж үзвэл, хуулийн оюутнуудын хийсэн маш олон төрлийн видео бичлэгийг олж харах болно. Тэд ихэвчлэн бусдадаа зориулсан зөвлөгөө, зааврыг хүргэх бөгөөд хэчнээн авьяаслаг нөхдүүд болохыг нь та төвөггүй ойлгох биз.
Ер нь хууль зүйн сургуулиуд law show төрлийн тэмцээнийг дотооддоо жил бүр зохион байгуулж, сургуулийнхаа шилдэг анги, хамт олныг шалгаруулдаг уламжлалтай билээ. Энэхүү шалгаруулалтанд видео бичлэг чухал нөлөөтэй байдаг юм.
Тэгвэл Канадын Калгригийн их сургуулийн хуулийн ангийн оюутан Жон Ин 2012 онд сургуулийнхаа шилдгийг шалгаруулах тэмцээнд нэгэн видеог бүтээн түүндээ ангийн оюутнууд, тэдний хүүхдүүдийг оролцуулсан нь Канад гэлтгүй АНУ болон Европийн хуулийн сургуулийн оюутнуудад хүрч, одоог хүртэл YouTube сайт дээр энэ төрлийн бичлэгүүд дундаа хамгийн олон үзэлттэй видео бичлэг нь байсаар байна.
/Монгол орчуулгатай хувилбарыг нь манай Facebook хуудаснаас үзнэ үү/
Жон Ин дээрх бичлэгийг хийх санаагаа David Cornfield нэртэй melanoma гэх арьсны хорт хавдарын эсрэг тэмцэх сайн дурын сангаас гаргасан ‘Dear 16-year old me’ видео бичлэгээс авсан бөгөөд бүх үгийг нь өөрөө бичиж, 80 долларын төсвөөр бүтээсэн байна.
Эх бичлэгийн гол санаа нь melanoma хавдараар шаналж байсан нөхдүүд өөрсдийнхөө өнгөрсөнд ирээдүйгээс зөвлөх байдлаар бусдыг тус өвчний аюулаас урьдчилан сэргийлэхийг уриалсан утгатай. Жон Ин энэхүү хийц загварыг өөрийн видеонд шингээсэн нь түүний бүтээлийг өвөрмөц содон болгожээ.
Их засаг хуулийн сургуулийн Фэйсбүүк группт эрх зүйн ангийн оюутнууд нь өөрсдийн хийсэн “нэгэн хэвийн” бичлэгүүдийг оруулсан байна билээ. Мэдээлэл авах зорилгоор ямар арга хэмжээнд зориулан тэдгээрийг бүтээсэн тухай асуухад нэг нөхөр “Чи Их засагийнх биш юм бол эндээс гар” хэмээн намайг хөөсөн юм. Магадгүй хуулийн сургууль зарим хүнийг ийм болгодог учраас “Хуулийн сургуульд суралцах хэрэггүй” хэмээн зөвлөж баймаар ч юм шиг.
Comments