Тус зах зээлийн газрын зургийг харвал, онлайн хуулийн үйлчилгээнээс эхлээд интернэт судалгаа, практик менежментийн програм хангамж болон бусад гол хэд хэдэн категорыг хамарч байна. Хуулийн технологийн салбар нь харьцангуй шинэ төрөл зүйл бөгөөд компаниуд үүгээр 2011 оноос хойш ойролцоогоор 739 сая ам.долларын хөрөнгийг олон нийтээс татаж чадсан байна. Гар аргаар гүйцэтгэдэг, цаасан дээр суурилсан уламжлалт процесс хуулийн салбарт өнөөдөр байсаар байгаа нь тус салбарын ирээдүй боломжоор дүүрэн байгааг илтгэнэ.
CB Insights, түүний судалгааны баг хуулийн технологийн салбарт амжилттай ажиллаж буй 50 старт-ап компанийг үйл ажиллагааны чиглэл, онцлогоор нь харгалзан, үзүүлж байна. Категорын тайлбарыг зурагны доор хавсаргав.
Онлайн хуулийн үйлчилгээ – Энэ нь хувь хүн болон албан байгууллагуудад хуулийн үйлчилгээг онлайнаар буюу интернэтээр дамжуулан хүргэдэг старт-ап компаниудыг илтгэнэ. Хуулийн технологийн салбарын хамгийн том категор нь бөгөөд түүн дотроо Avvo компани том байр суурийг эзэлж байна.
E-Discovery – Энэ нь иргэний болоод эрүүгийн хэрэгт нотлох баримтаар авагдаж болох аливаа цахим мэдээллийг интернэт сүлжээнээс хайх, олох үйл ажиллагаа бүхий компанийн ерөнхий нэршил юм. Старт-ап компаниуд энэхүү процесийг илүү сайжруулах хэрэгслийг бүтээхээр ажиллаж байгаа ба хамгийн том төлөөлөл нь kCura юм.
Практик менежментийн програм хангамж – Хуульчид, хуулийн фирмийн үйл ажиллагааг хөнгөвчилсөн цогц програм хангамжийн боловсруулалт. Энэхүү зах зээлд Clio чухал байр суурийг эзэлж байна.
Барааны тэмдэгт, оюуны өмчийн програм хангамжийн үйлчилгээ– Innovation Asset Group тэргүүтэй компаниуд аливаа шинэ бүтээлийн мэдүүлгийг гаргах үйл явцыг хялбаршуулсан програм хангамжийг хөгжүүлж байна.
Хиймэл оюун ухааныг ашигласан хуулийн технологи – Зарим старт-ап компаниуд хуулийн баримт бичиг, гэрээг боловсруулах, хянах үйл явцыг хялбаршуулахдаа програм хангамжийг хиймэл оюун ухаантай хослуулан хөгжүүлж байна. Төлөөлөл нь LegalSifterкомпани.
Шүүхийн маргааныг санхүүжүүлэх үйлчилгээ – Тус категорит багтах LexShares болон Mighty тэргүүтэй компаниуд нь нэхэмжлэгч, зарга мэдүүлэгч талын маргаан шүүхэд амжилттай шийдвэрлэгдэх хүртэл хугацааны санхүүгийн асуудлыг шийдвэрлэж, нөгөө талаас санхүүжүүлэгч талд хувь ногдуулах зуучлалын үйлчилгээг үзүүлж байна.
Хуульч хайх – Lexoo гэх старт-ап компани хэрэглэгчдэд өөрт тохирсон хуульч, өмгөөлөгчийг олоход нь туслах интернэт үйлчилгээг үзүүлж байна.
Хуулийн судалгаа – Хуульч, хуулийн фирмийн үйл ажиллагаанд тустай олон төрөл зүйлийн судалгаа, баримт бичгийн сан бүхий хуулийн технологийн салбарын нэгэн хэсэг. Төлөөлөл нь Ravel Lawбөгөөд 2014 онд New Enterprise Associates, Work-Bench, Xfund зэрэг хөрөнгө оруулагчдаас 8.1 сая долларын хөрөнгө оруулалт татсан байна.
Нотариатын үйлчилгээ – Дижитал нотариатын үйлчилгээ хуулийн технологийн салбарт хамгийн бага суурийг эзэлж байх бөгөөд Natorize компани энэ онд 8.5 сая долларыг хөрөнгө оруулагчдаас татаж чадсан байна.
Эх сурвалж: CB Insights, Зургийг 2civility.org
Comments