Харвардын хуулийн сургуулийн шинэхэн төгсөгч болоод, патераа татуулж байснаас хойш арав гаран жил өнгөрсөн байна. Тухайн үед бидний 500 төгсөгчид нэгэн ижил ажлын гараанаас гарч, ажилласаар ирээдүйд бүгд тухайн компанидаа партнер болсон байх болно хэмээн төсөөлдөг байв. Харин өнөөдөр өнгөрснийг эргэж харвал, амжилтанд тийм ч дардан замаар хүрэх биш, харин хууль зүйн боловсрол/мэдлэг нь түүний нэгээхэн хэсгийг бүрдүүлэх комплекс орчинд урьдаас сайтар төлөвлөсөн алхамаар урагшлах ёстой болохыг дутуу ухамсарлаж байжээ. Үүнтэй холбоотой хэдэн зөвлөгөөг дараагийн 10 гаран жил өөрсдийн карьерийг авч явах шинэхэн төгсөгчдөд зориулж бичив.
БУСДЫН ТУСЫГ САНАЖ БАЙ
Таны гэр бүл, найз нөхөд, багш нар таны амжилтанд албан болон албан бусаар нөлөө үзүүлсээр ирсэн ба ирээдүйд, ажлын карьерт тань чухал үнэ цэнийг авчирах хүмүүс юм. Тиймээс тэдэнд зохих хариуг нь барихаа хэзээ ч бүү март. Ялангуяа хуулийн сургуульд сурч байхдаа олон хүнтэй бий болгосон харилцаа, холбоо, түүнийг ирээдүйд хадгалж явах нь миний амьдралд төдийгүй карьерт маань хичнээн чухал байр суурь эзэлдэг болохыг би төгсөх үедээ ойлгоогүй явсан юм.ШАНТАРШГҮЙ БАЙ
Магадгүй ирээдүйн карьерийг тань адилтгах хамгийн ойрхон зүйл гэвэл “уулруу авирах”, бүр “уулын орой булаацалдах тулаан” гээд нэрлэчихэд буруудахгүй байх болов уу. Мятаршгүй хичээл зүтгэл, шантаршгүй оролдлого нь Амжилтын түлхүүр болохыг та ойлгоогүй цагт хамтран ажиллагсаддаа гүйцэгдэж, тэдний ард нь хоцрох болно. Манай харилцагчид хуульчийг сонгохдоо түүний ирээдүйд үзүүлэх амжилтын төлөв байдал болоод өнгөрсөн 6 сарынх нь ажлын үзүүлэлтийг харгалзаж үздэг. Тэгэхээр тоон, бас чанарын үзүүлэлтийг ажиллах хугацаандаа ижил хэмжээнд бий болгохыг хичээгээрэй.ХУДАЛДААЧНЫ ҮХЭЛ
Залуу хуульчид маркетинг, борлуулалтын асуудлыг үл тоомсорлож, хууль зүйн практикт цаг заваа зарцуулахыг илүүд үздэг. Гэвч бодит байдал дээр, партнерийн дайтай болох хүн борлуулалт хийх ур чадварт суралцсан байх ёстой. Учир нь намайг хүмүүстэй хэлэлцээр хийх үеэр анзаарагддаг нэг гол зүйл бол тэд бүгд харилцах ур чадварт суралцсан байдаг. Тэгэхээр том харилцагч, үйлчлүүлэгчтэй харилцдаг хүмүүсийн мэдээллийг олж, танилц. Мөн тэднийг өөрийн ментороо болгож болох эсэхийг тодруулаарай.ТӨЛӨВЛӨХИЙН ТУЛД ТЭМДЭГЛЭ
Хэрэв та марафонд оролцож, гүйх замдаа зогсохыг хүсэхгүй л байгаа бол хэзээ нь практикт ажиллах, хэр удаан хугацаанд, ямар чиглэлээр мэргэших вэ гэдгээ урьдчилан тодорхойлсон байх хэрэгтэй болно. Таны зорилго хоосон тэмүүллээс илүү хүрч болох бодит үр дүн байх ёстой юм. Өөрөөр хэлбэл, та амжилттай баймаар байвал төлөвлөгөөтэй ажилла. Түүнийгээ тэмдэглэж ав.СОНГОЛТ ҮРГЭЛЖИД БАЙДАГ
Бүх насаараа нэг газар ажилладаг хуульчдын үе өнгөрсөн гэж хэлж болно. Жишээ нь 8 жилийн турш партнер болох мөрөөдөлдөө найдсаар, нэг байрандаа байх нь таны карьер ахих боломжийг ихэсгэхгүй. Тиймээс карьераа төлөвлөхдөө, ажиллах таатай орчин, өндөр цалин хангамж, илүү сайн ментортой болох боломж, сонголт үргэлж байдаг гэдгийг санаарай. Ер нь цаг тухай бүрт ажлын байрны зах зээлд өөрт тохирох ямар боломж байна, шалгаж байхад буруудахгүй. Хамгийн муугаар бодоход, хэрэв өөрт тань таарах ажлын байр олдохгүй бол та хуучиндаа ажиллаад байж болно шүү дээ.Эх сурвалж: Lateral Link, ATL
Зургийг Pixabay.com, Sentraldigital
Comments