Сайн байна уу, энэхүү мэдээллийг Findlaw сайтаас орчуулан бэлтгэсэн болно. Хэрэв Инфографик танд бүтэн харагдахгүй байвал https://goo.gl/cr2kkY хаягаар хандаж үзнэ үү. Мэдээллийн агуулгыг доор текстээр давхар оруулав.
Доорх линкээр орж үзнэ үү.
Цээжлэх арга барилд суралц. Хэрэв танд аливааг хэрхэн цээжлэх, тогтоох арга барил байдаггүй бол олж аваарай. Гүүглээс bar exam mnemonics хэмээн хайхад өчнөөн үр дүн гарч ирнэ. Цээжлэх арга барил буюу техник нь таныг аливаа асуудлын түлхүүрийг хялбар хэлц/дүрсээр төлөөлүүлэн, тогтооход тань туслах болно.
Бэлтгэлийн дараагаар каффейн хэрэглэх. Та сурч мэдсэн зүйлээ тогтоохын тулд каффейн тэргүүтэй амтат кофе, цай, энергийн ундаа зэргийг хэрэглэж болох юм. Каффейн мөн эмийн сангуудаар үрлээр худалдаалагддаг бөгөөд үр дүнд нь таны эргэн санах чадварыг тухайн өдөр үнэхээр нэмэгдүүлдэг болохыг судалгаагаар тогтоожээ. Гэхдээ та өөрийгөө бүтэн өдөр сэрүүн байлгана гээд хэмжээг нь хэтрүүлэн хэрэглэж болохгүй юм шүү.
Бохь зажлах. Тамхи татах хэрэггүй, оронд нь бохь зажил, цэвэр агаараар амьсгал – ингээд ой тогтоолтоо сайжруул. Та шалгалтанд бэлтгэж байх үедээ бохь хэрэглэвэл мэдээллийг илүү нарийн бөгөөд түргэн хугацаанд эргэн санах юм. Учир нь бохь тархины үйл ажиллагаанд тустай буюу аливааг танин мэдэх, тогтоох үйл ажиллагаанд эерэгээр нөлөөлдөг болохыг эрдэмтэд тогтоосон байна.
Нойроо бүтэн ав. Хэрэв таны тархи ядарсан бол олигтой үр дүнд хүрэхгүй. Унтаж амрах нь хүний ой тогтоолтод тустай болох нь хангалттай олон тооны судалгаагаар батлагдсан зүйл. Өдөр 30 минут дуг хийхэд хүртэл аливааг эргэн санах үйл ажиллагаанд тань тустай болно.
Шалгалтын юм шиг орчинд бэлтгэ. Та шалгалтанд бэлтгэхдээ, баарын шалгалтанд ороход ямар орчинд байх билээ – яг тийм чимээгүй орчинд, цэх суугаад бэлтгэж дадаарай. Хүн ер нь харсан үзсэн зүйлээ ижил орчин нөхцөлд л эргэж санадаг шүү дээ.
Comments