Тийм. Хэрэв та өөрийн болоод байгууллагынхаа маркетинг, гадаад харилцаанд анхаарал хандуулдаг бол шүү дээ. Өнөөдөр аливаа албан байгууллагын оршин тогтнол, үйл ажиллагааны идэвхи нь Фэйсбүүк хуудсаар илэрхийлэгдэх болсон гэхэд хилсдэхгүй.
Нэг хэсэг веб сайт нь тухайн байгууллагын нэрийн хуудас болдог байсан бол өдгөө Фэйсбүүк хуудас нэгдүгээрт тавигдах болжээ.
Фэйсбүүкт байгууллагаар бүртгүүлээд, үйл ажиллагааныхаа төрлийг сонгох үед бизнесийн 80 тооны катогер байрласан байдаг аж. Аль нэгийг нь сонгоод, өдөр тутмын мэдээлэл оруулаад байхад танай хуудасны лайк нэмэгдэж, лайк нэмэгдэхийн хэрээр хэрэглэгчидтэй танил болж, байнгын үйлчлүүлэгчтэй болох зам нээгддэг. Товчхондоо, Фэйсбүүк бол бүх зүйл!
Анзаарсан бол Фэйсбүүк хуудсанд хэрэглэгчийн үнэлгээний систем суусан байдаг. Тухайн байгууллагаар үйлчлүүлсэн хэрэглэгчид Фэйсбүүк хуудсаар үйл ажиллагаа, ажлын гүйцэтгэлийг нь сайн байсан эсвэл муу байсан эсэхийг үнэлээд, тайлбар бичнэ гэсэн үг л дээ. Ингэх нь хуульч, хуулийн фирмүүдэд ирээдүйд ямар үр дүнг авчирах вэ?
Тэгвэл тун удахгүй Фэйсбүүк нь өөрийн шинэ үйлчилгээг танилцуулах гэж байгаа юм байна. Энэ нь бидний зарим нөхдийн мэдэх Yahoo Local үйлчилгээтэй төстэй. Өөрөөр хэлбэл, байгууллага, түүний үйлчилгээний төрөл, байрлал зэргээр нь нарийвчилсан хайлт хийгээд, үр дүнг эрэмбэлэх Professional Services гэх үйлчилгээ. Манай Монголд бараг анхдагч нь болох биз.
Саяхан гарсан судалгааны үр дүнд дурдсанаар, өнөөдөр хэрэглэгчдийн 81% нь ямар нэгэн үйлчилгээ сонгох, худалдан авалт хийхдээ интернэтээр хайлт хийгээд, үүнээс 61% нь онлайн review буюу бусад хэрэглэгчдийн бичсэн дүгнэлтийг уншиж, сонголтоо хийдэг гэсэн байна.
Хуулийн салбарт ч ялгаагүй, хэн нэгэнд хуулийн асуудал шийдвэрлэх хуульч хэрэгтэй болбол Гүүгл хэрэглэдэг болсон цаг. Удахгүй түүндээ Гүүгл бус Фэйсбүүк ашиглах цаг ирэх гэж байна.
SearchEngineLand сайтын сэтгүүлч Мартин Бэкийн (Martin Beck) бичсэнээр,
“Хэрэв энэхүү үйлчилгээ бүрэн ашиглалтанд орвол, хэрэглэгчийн оруулсан түлхүүр үгсээр хайлт хийгээд гарах үр дүнг Фэйсбүүк эрэмбэлэхдээ хамгийн олон лайк, эсвэл хамгийн олон 5 од цуглуулсан хуудсыг эхэнд байхаар үзүүлэхгүй”.Яах вэ гэхээр, хэрэглэгчийн тухайн байгууллагын хуудсаар орсон, гарсан тоо, нийтэлсэн мэдээллийнх нь доор сэтгэгдэл бичсэн, лайк дарсан тоо, байгууллагын үйл ажиллагааг үнэлсэн байдал гэх мэт чамгүй олон төрлийн шинж чанар дээр тулгуурлаж; өөрөөр хэлбэл, үнэнч, чанартай хэрэглэгчид олонтой байгууллагын пэйж хуудсыг хайлтын үр дүнд хамгийн эхэнд байхаар үзүүлэх ажээ. Та бүгд миний юу хэлэх гээд байгааг ойлгож байгаа биздээ?
Тэгэхээр хуульчдаа, хуулийн фирмийн нөхдөө, ирээдүйд харилцах шинэ хэрэглэгч, үйлчлүүлэгчээ олж авахын тулд хэн бүхний анхаарлыг татах болсон өнөө цагийн social сайтуудыг тэргүүлэгч Фэйсбүүк хуудсанд анхаарлаа зохих ёсоор хандуулж, шинэ үйлчилгээний бэлтгэлээ хангацгаая!
Comments