Америкийн Нэгдсэн Улсын 16 дахь удаагийн Ерөнхийлөгч Абрахам Линкольн (1809.02.12-1865.04.15) нь амьдралынхаа 25 жилийн туршид хуульч мэргэжлээр ажиллахдаа тийм ч их зүйл бичиж үлдээгээгүй байдаг учраас түүний бичиж үлдээсэн энэхүү тэмдэглэл нь чухал ач холбогдолтой эх сурвалжид тооцогддог байна. Тэрээр өөрийн энэ тэмдэглэлийг хэдэн онд бичсэн нь өнөөдрийг хүртэл тодорхойгүй байдаг хэдий ч түүх судлаачид 1850-иад оны үед хуулийн сургуулийн оюутнуудад унших лекцэндээ бэлтгэж бичсэн хэмээн үздэг байна. Түүний энэ тэмдэглэл нь эх хувиараа АНУ-ын Конгрессийн номын санд хадгалагддаг байна.
Тэмдэглэл нь түүний даруу занг илэрхийлсэн байдлаар эхэлдэг байна. “Би тийм ч их туршлагатай хуульч биш” гэж хэлээд ирээдүйн Ерөнхийлөгч тэрээр хуулийн оюутнуудад хандаж “хичээл зүтгэлтэй бай, судалгааны ажлыг тууштай хий, сайн хуульч байхын тулд ёс зүйтэй бай” хэмээн зөвлөсөн байна.
Мөн тэрээр хуулийн оюутнуудад хандаж “Гэнэтийн тохиолдоор үг хэлэх бол түүнийг маш сайн бэлдэж, боловсруулж байх хэрэгтэй. Чадвартай бөгөөд өөртөө итгэлтэй хуульчийн тухайд бол өөр асуудал. Харин ярих чадварт суралцаагүй хуульчид ямар ч үйлчлүүлэгч хандахгүй. Нөгөө талаас залуу хуульчдад гэж хэлэхэд бусдын өмнө өөрийгөө дөвийлгөсөн зан чанар нь ямар ч үед хүнд нөхцөл байдлаас аврахгүй гэдгийг сана. Хэрэв хэн нэгэн залуу хуульч ховорхон тохиох өөрийн ярих чадварын тусламжтайгаар хуулийн хүнд хэцүү ажлыг даван туулна гэж найдаж байгаа бол түүний хэрэг шүүхэд аль хэдийн ялагдал хүлээсэн гэж ойлго” хэмээн сануулсан байна.
Эх сурвалж: Slate.com
Мэдээллийг бэлтгэсэн: Дөлгөөн
Comments