Өнөөдөр бид интернэтийн эрин үед амьдарч байгаа ч магадгүй зарим хуучинсаг үзэлтэй хүмүүсээс болоод “гэрээсээ ажилладаг” хуульчдын талаар үнэн худал нь мэдэгдэхгүй явган яриа нийгэмд байсаар байна.
Хагас зуун жилийн өмнө “гэртээ ажиллах” гэдэг нь тухайн хүн гэрийн эзэгтэй эсвэл ажилгүй, тэтгэвэрт гарсан, бүр тахир дутуу гэсэн ойлголтыг төрүүлдэг байв. Энэ үзэл нь тэртээ 20-р зууных гэлтэй. Ингээд дээрх явган яриануудаас аль нь үнэн ба худал болохыг тодруулая.
Явган яриа 1. Жинхэнэ хуульчид оффистой байдаг
Ажиллах гэдэг маань өөрөө үйл үг болохоос ямар нэг газар орны нэрийг заасан үг биш. Тэглээ ч хуульчид зөвхөн оффист ажилладаггүй. Тэд шүүх танхим, хорих анги, веб хуудас, уулзалтын танхим, кофе шоп, бизнес яриа явагдах боломжтой бүхий л газарт, эцэст нь мэдээж гэрээсээ ажилладаг. Оффис дээр сууж хийх ажлыг гэрээсээ хийх боломжтой байдаг нь хуульчийн туслах болон шүүхийн маргаанаар дагнасан хуульчид тусдаа байдагтай холбоотой. Өнөөдөр гэрээсээ ажиллах боломжийг технологийн давуу талыг ашиглан илүү хялбараар шийдвэрлэж болж байна.Явган яриа 2. Соло хуульчид л гэрээсээ ажилладаг
Соло буюу хувиараа ажилладаг хуульчид гэрээсээ ажиллах хэв маягийг дэлгэрүүлсэн гэдэг. Гэвч үүнийг тэдний хэрэгцээ шаардлага байсан гэхээс илүүтэй, гэрээсээ ажиллах хэв маягийн давуу тал болох уян хатан чанартай холбож болно. Ганцаараа ажиллах хуульчид оффисын эд зүйлс – тухайлбал, үйлдвэрлэлийн зориулалттай хэвлэлийн тоног төхөөрөмжүүд, бичиг баримт хадгалах хана дүүрэн шкаф сав, амралтын болон цайны өрөө, хөл бөмбөгийн талбайн хэмжээтэй зогсоолын талбай ердөө шаардлагагүй. Харин томоохон хуулийн фирмүүд л ажилчдынхаа тохь тухыг хангах зорилгоор эдгээрийг ашиглах байх.Явган яриа 3. Хууль зүйн фирмийн хуульчид гэрээсээ ажилладаггүй
VR буюу виртуал бодит байдлыг компьютерийн тусламжтайгаар бүтээх технологи эрчимтэй хөгжиж буй өнөө үед хууль зүйн фирмийн хуульчид харин ч бүр гэрээсээ ажиллаж байна. The American Lawyer сэтгүүлд өгүүлснээр АНУ-ын Culhane Meadows, FisherBroyles зэрэг виртуал фирмүүд уламжлалт хууль зүйн фирмийн хэв маягийг эвдэж буй аж. Өмнө нь 300 ажилтантай фирмд ажиллаж байсан Жамал Эдвард Culhane фирмийг сонгосон нь тус фирм түүнд гэрээсээ ажиллах боломжийг олгосонтой холбоотой. Мөн 180 ажилтантай FisherBroyles фирм 20 сая ам.долларын бизнес захиалгад дарагдсан тул шинэ партнер хайж байгаа гэнэ шүү.Явган яриа 4. Үйлчлүүлэгчид нь хуульчдыг оффист ажиллахыг хүсдэг
Виртуал хууль зүйн фирмийг бас оффисгүй хэмээн ойлгож болохгүй. Гэрээсээ ажилладаг хуульчид ажлын орчинд бизнес ярих сонирхолтой үйлчлүүлэгчтэй оффис дээр уулзах шаардлагатай байдаг. Мэдээж бүх үйлчлүүлэгч ийм сонирхолтой байхгүйн дээр шаардлага тавихгүй. Энэхүү явган яриа үнэн болох нь ялангуяа гадны үйлчлүүлэгчид болон бизнесийн төлөөлөлтэй уулзах үед илэрдэг.Явган яриа 5. Фирмийн бусад ажилчид гэрээсээ ажилладаггүй
Бичиг баримт хүргэгч, шинжээч, мөрдөн шалгагч, нягтлан бодогч, нарийн бичиг нар аль эртнээс л хөлсөөр ажиллах гэрээгээр, бие даан гадуур ажиллаж ирсэн, эдгээрийн араас хуульч болон түүний нарийн бичиг нар орж байна. Өнөөдөр хуульчид гар утас, компьютер байхад л хангалттай – дээр нь хариуцаж буй маргааны талаар мэдээлэл цуглуулна, ингээд шаардлагатай бол шүүхийн байранд очно.Хуулийн практикт орчин үеийн технологи болон аутсорсингийн хэлбэр улам илүү нийтлэг болох тусам энэ мэт элдэв явган ярианууд хуучирч, хэзээ нэгэн өдөр хуульч нар оффист ажилладаг байсан хуучны өдрүүдээ дурсан санагалздаг болно биз.
Эх сурвалж: FindLaw
Comments