Хэрэв та өмнө нь Хуульчийн мэргэжлийн шалгалтанд орж байсан ч өнөөдөр энэхүү мэдээллийг уншиж буй бол танд ямар байгааг би гадарлаж байна. Уралдаант шалгалт учраас түүнд тэнцсэн улсууд гэж байхад нөгөө талд тэнцээгүй хэсэг бүлэг байх нь зүйн хэрэг. Энэ нь таны арга барил амжилттай хэрэгжээгүй учраас түүнийг эвдэж, тоглоомын дүрмийг өөрчлөх цаг болжээ гэсэн үг.
Мэдээж хэрэг хүн бүр адилгүй учир миний бичсэн зөвлөгөө зарим хүмүүст таарахгүй байх талтай. Гэхдээ би хэн ч гэсэн хуульчийн шалгалтанд тэнцэх боломжтой гэдэгт итгэдэг. Эдгээр нь таны хандлагаас л хамаарна.
ЭНЭ БОЛ ТАНЫ АМЬДРАЛ
Шалгалтанд бэлтгэх хэдэн сард та бараг л хуульчийн шалгалтын хэдэн тест, бодлогоор амьсгална. Чухам энэ үед та бусад үеэс илүү ачаалалтай байх бөгөөд өмнөх жилийн шалгалтын бэлтгэл дэмий зүйл байгаагүй буюу танд суурь/барьц өгсөн гэдгийг санаарай. Ажил дээр байхаас бусад үед та шалгалтандаа бэлтгэж байх ёстой. Гэр бүл, найз нөхдөдөө энэхүү шалгалтыг өнгөрөх хүртэл завгүй байна гэдгээ мэдэгдээрэй. Ингээд л болоо, өөр тайлбар хэрэггүй.СУРГАЛТАНД СУУ
“Гэхдээ, өмнө нь суухад надад сайнаар нөлөөлөөгүй” гэх хэрэггүй. Зүгээр дээ, тийм бол өөр байгууллагын сургалтанд суу. Энэ төрлийн шалгалтанд бэлтгэдэг байгууллагууд сургалтын өөр өөр арга барилтай байдаг. Нэг нь танд муу санагдсан бол нөгөө нь сайн байх ч юм билүү.БЭЛТГЭЛ ШАЛГАЛТ ӨГ
Шалгалтанд хэрхэн тэнцэхийг суралцах хамгийн сайн арга бол байнгын бэлтгэл буюу шалгалтын материал дээр ажиллах явдал. Өөртөө тохирсон орчныг бүрдүүлээд, жинхэнэ шалгалт өгөх гэж байгаа юм шиг сэтгэж бэлтгэ. Шалгалт эхлэхээс өмнөх 2-3 долоо хоногийг өмнөх жилийн шалгалтан дээр ажиллаж өнгөрөөгөөрэй. Амралтын өдөр шалгалтын сорилгын хэсгийг өглөө нь, бодлогыг өдөр нь гэх мэтээр салгаж өгч, өөрийгөө шалгаарай.БҮХ ХАРИУЛТЫГ НЯГТЛААРАЙ
Асуултыг хэдий та зөв дугуйлсан ч гэсэн яагаад гэдгийг заавал нягталж үзээрэй. Учир нь хуульчийн мэргэжлийн шалгалтын асуултууд толгой эргэм төдийгүй, дотор нь 2 зөв хариулт байх нь элбэг. Ухаандаа тэдгээрээс нэг нь хамгийн зөв нь байх нь л дээ. Иймд хамгийн зөв хариултыг олоход туслах арга барил бол асуулт бүрийн хариу/дэлгэрэнгүй тайлбарыг унших юм. Энэ бичвэрээс та нэг хэрэгтэй зөвлөгөөг нь авна гэж байвал би танд үүнийг л аваарай гэж зөвлөмөөр байна.ЭРҮҮЛ БАЙГААРАЙ
Энэ бол заавал тавигдах асуудал. Та өөрийн эрүүл мэндэд анхаарч байх хэрэгтэй. Энэ үед та жин барьж эхлэх, жимд /gym/ явах гэж яарах хэрэггүй. Зөв хоолло, байнгын дасгал хийдэг бол түүнийгээ хий, хамгийн гол нь хангалттай хэмжээнд унтаж амарч байгаарай. Оюутан байх үе шигээ шалгалт эхлэхийн өмнөх өдөр нь шөнөжин суугаад болчих юм шиг санах зүйл энэ биш шүү, бас хонож хичээл уншдаг үе тань дууссан гэж ойлгоорой.Шалгалтанд эхний оролдлогоор бүдрэхэд, таны урам зориг мохох нь амархан байна. Шалтгааныг нь тодруулах цаг гарга, юун дээр алдсан байна, түүнийгээ засахын төлөө урагшил. Өнгөрсөнд харамсах хэрэггүй, харин дараагийн давааг амжилттай давах төлөвлөгөөгөө боловсруулаарай. АНУ-ын ерөнхийлөгч асан Жон Кеннеди Нью Йоркийн баарын шалгалтанд хэдэн удаа бүдэрч байсныг сана. Та ганцаараа биш. Өнөөдөр танд хуульчийн мэргэжлийн шалгалтанд орж байсан туршлага бий, шалгалтын танхимд ямар байдаг, та юун дээр алдаж байснаа мэддэг болсон байгаа. Иймд удахгүй болох дараагийн шалгалтанд тань амжилт хүсэе!
Зургийг mglnews.mn сайтаас
Эх сурвалж: Gabriella Khorasanee, FindLaw
Comments