Сайн оюутан байхад танаас 1 хувийн авьяас, 99 хувийн интернэтэд сатаарахгүй байх чадвар шаардана. Яахав, ийм утгатай эх үгийг нь жаахан өөрчлөөд орчин цагийн хэлбэрт орууллаа, гэхдээ энэ нь бидэнд яг сайхан таарч байгаа биздээ?
Аливааг хойшлуулах зан чанар гэдэг нь, жишээ нь: бие даалт бичихдээ холбогдох сэдвээр номын сангийн каталог шүүж, ном, сурах бичиг, дипломын ажлын бичвэрээс мэдээлэл хайхын оронд “За байз, энэ бие даалтын сэдвээр хэн нэгэн интернэтэд юм бичиж үү” гээд олон цагаар Фэйсбүүк ухаад суухыг хэлж буй хэрэг.
Сан Франциско хотын нэгэн эр дээр бичигдсэн өөрийн сул талыг засахын тулд 2012 онд интернэтэд нэгэн сонирхолтой зар байрлуулсан байна. Утга нь, “Миний дэргэд суугаад, намайг дэмий зүйлд цаг зарцуулах тохиолдол бүрт орилох, алгадах хэн нэгэн хэрэгтэй байна. Цагийн 8 доллар” гэсэн байв. Ингээд зар нийтлэгдсэнээс хойш 1 цагийн дотор 20 гаруй захидал ирсэн гэдэг.
Тэгэхээр доор би танд тус болох өөр хэдэн аргыг бичлээ.
Ерөөсөө юу ч хийх хэрэггүй. Маш энгийн, ойлгомжтой арга. Хэрэв та хийх ёстой ажлаа хийж чадахгүй байгаа тохиолдолд юу ч, өөр юу ч хийх гэсний хэрэггүй. Багахан хугацаанд дуг хийх, амттан идэх, интернэт орох ч хэрэггүй. Энэхүү арга нь чухамдаа таныг тэрхүү үндсэн ажлаа хийхээс өөр аргагүйд хүргэх хамгийн дөхөм арга юм.
Ажлаа хийж дуусгаад өөрийгөө шагна. Гэхдээ арай өөрөөр шүү. Найздаа нэг болзолтойгоор өөрөөсөө түр хугацаанд мөнгө өгчих. Болзол нь хэрэв таныг түүний заасан хугацаанд ажлаа амжуулж чадаагүй байх юм бол найз тань тэрхүү мөнгийг өөртөө авах бүрэн эрхтэй болох юм. Хэрэв та өөрийгөө ялж чадвал, мөнгөө буцааж авах юм.
Хийх ажлуудаа тусгаарлах. Бидэнд хэдий чухал ч гэлээ бүр 1-рт биш ч, дараа хийж болох ажлууд багагүй тааралддаг. Өөрөөр хэлбэл, зарим тохиолдолд хийж буй нэг зүйлдээ анхаарлаа төвлөрүүлж чадахгүй, дундаас нь өөр нэг ажлыг гэнэт хиймээр санагдаад хийчихдэг, тэгээд өмнөхөө орхичихдог явдлууд багагүй тохиолдддог. Хэрэв та энэ мэт аливаа зүйлд амархан сатаардаг бол түүнийгээ засах хэрэгтэй. Ингэхдээ та тэдгээр санаагаа тус бүрт нь жагсааж бичээд, бодитоор гүйцэтгэж эхлэх огноог тодорхой бичээд нүдэнд ил харагдах газраа наагаарай!
Эх сурвалж: Kat, Survivelaw.com
Comments