Бүтэн цагаар ажиллах үедээ хуульчийн шалгалтанд бэлтгэх нь

Энэ удаад ажлынхаа хажуугаар анх удаа хуульчийн шалгалтанд бэлтгэж буй нөхдүүдэд дараах зөвлөгөөг хүргэхээр бэлтгэлээ. Ер нь дэмий санаа шүү гэж хэлмээр байна. Бүтэлгүйтэл таны карьерт муугаар нөлөөлөхгүй ч урт болон богино хугацаандаа таны олох байсан орлогод сөргөөр нөлөөлж болох юм. Та эрч хүчтэй байхын тулд шалгалт эхлэхээс 7 хоногийн өмнө амрах эсвэл хагас цагаар ажиллахыг хичээгээрэй.

Хэрэв та шалгалтанд бэлтгэж, орохоор нэгэнт шийдсэн бол эсвэл дахин орох гэж байгаа бол таны ажил – шалгалтын бэлтгэлийн тэнцвэрийг хангахад туслах 3 зөвлөгөөг энд бичсэн байна.

ХАНГАЛТТАЙ ЭРТНЭЭС БЭЛТГЭЖ ЭХЛЭ

Жишээ нь АНУ-д байх Хуульчийн шалгалтанд бэлтгэх курсууд дунджаар 2 сар хичээллэдэг. Тэд мэдээж сургалтын хөтөлбөрийг нарийн боловсруулсан байж таарна.

Тэгэхээр хэрэв та хувиараа бэлтгэж эхлэх бол багадаа 2 сарын өмнөөс, бидний зөвлөж буйгаар 3-4 сарын өмнөөс ажлын өдрийн орой бүр тодорхой хэдэн цагийг, амралтын хоёр өдрийн нэгийг баарын шалгалтанд бэлтгэж, зарцуулахыг зөвлөж байна.

УЯН ХАТАН, БОДИТОЙ ТӨЛӨВЛӨГӨӨ ГАРГА

Хуулийн сургуультай адил, интернэт маш олон баатруудаар дүүрэн – тэднийг харахад өдөржин ажлаа хийгээд л, орой нь гэртээ хариад шөнө 02:00 цаг хүртэл хичээлээ хийгээд л, өглөө эрт ажилдаа явахын өмнө мөн хичээл давтаад л.

Эдгээр хүмүүс нэг бол зохиомол, нэг бол мансууруулах бодис хэрэглэдэг байх.

Танд хэрэгтэй зүйл бол өөрт тохирсон уян хатан, бодитой төлөвлөгөөтэй байх явдал юм. Төлөвлөсөн ажил, амьдрал тань хэзээд өөрчлөгдөж болно, өөрөөр хэлбэл, өглөө 05:45 цагт босч шүршүүрт орох, үргэлжлүүлэн 30 минут гүйх, түүнээс өмнө хоолоо идэх зэрэг нарийн төлөвлөгөөнөөс татгалзах хэрэгтэй.

Гол зүйл бол сахилга баттай байх явдал. Та орой бүр хэдхэн цагийг шалгалтын материал унших, түүнд бэлтгэх байдлаар зарцуулах хэрэгтэй юм. Харин амралтын нэг өдрийг та өөрийгөө сорих байдлаар тестүүд дээр ажиллаж, бодлого бодож өнгөрөөгөөрэй.

МЭДЭХГҮЙ БАЙГАА ЗҮЙЛЭЭ ОЛЖ МЭД

Ажлын өдрүүдэд, оройн цагаар та шалгалтанд бэлтгэх материалууд дээр ажиллаад, амралтын өдөр өөрийгөө сорьж, шалгаж байгаарай. Үр дүнд нь та юуг мэдэхгүй байгаагаа олох ба дараа 7 хоногт ямар сэдвээр дагнан өөрийгөө бэлтгэх хэрэгтэйг олж мэдэх юм. Та шалгалтандаа хангалттай эртнээс бэлтгэж байгаа тул үүнд өөрийгөө хэтэрхий ихээр хүчлэх хэрэггүй юм шүү. Амжилт хүсэе.

Эх сурвалж: William Peacock, FindLaw