Энэхүү мэдээллийг хуулийн сургуульд орох гэж буй эсвэл суралцаж буй оюутнуудад зөвлөгөө, заавар өгдөг LawSchoolToolbox сайтаас орчуулан хүргэж байна.
Та ухаалаг утас хэрэглэдэг л байх. Арга ч үгүй дээ, хэн бүхний хэрэглээ боллоо шүү дээ. Хэрэв та биднээс аль утас нь илүү ухаалаг юм бэ гэж асуувал, хичээлийн цагаар, танд саад болохгүйн тулд таны шүүгээнд, унтраалттай байгаа тэр утас л илүү ухаалаг юм хэмээн бид хариулна.
Хуулийн оюутнуудыг сатааруулдаг нэг гол хүчин зүйл бол гар утас. Хамгийн муухай нь, биднийг өөртөө донтуулдаг. Бид гар утсан дээр олон цагаар тоглоом тоглож, апп ашигладаг ч бүтээлч байж чаддаггүй. Дээр нь хичээлийн үеэр, уншлагын цагаар бидний тууштай, бас анхаарал төвлөрсөн байдлыг үе үе тасалдуулдаг. Дээр нь олон хуудас бүхий онолын номыг арай ядан уншиж байхад нэг зүйл хажууд дуугараад л, дуугарах тусам таны сонирхолыг татаад л… – ИЙМЭРХҮҮ АСУУДЛЫГ ШИЙДВЭРЛЭХ ХАМГИЙН ОНОВЧТОЙ АРГА НЬ ГАР УТСАА УНТРААХ явдал юм.
Гэвч гар утас, таблетны эерэг талыг үгүйсгэж боломгүй. Хуулийн оюутнуудад зайлшгүй байх ёстой, ашигтай гэмээр хэд хэдэн аппыг (application) танилцуулж байна. Эдгээр нь таныг бүрэн төвлөрсөн, бүтээлч болоход тань, мөн мэргэжил нэгт бусад хүмүүстэй холбоотой байхад тань туслах юм. Хэрэв та өөрт хэрэгцээтэй, ашигтай аппуудыг хайж байгаа бол доор дурдсан жагсаалтад анхаарлаа хандуулна уу.
POCKET POINTS – СУРЧ ЧАДВАЛ ЗООС
Лекцийн танхимд байхад тань таныг урамшуулдаг байвал ямар вэ гэдэг талаар та өмнө нь бодож байв уу? Тэгвэл ийм зүйл үнэхээр байна. Pocket Points аппаар хэрэв та их сургуулийн хашаанд утсаа унтраавал оноо цуглуулж эхлэх юм. Тэдгээр оноогоо та хүссэн зүйлдээ зарцуулж болно.Иймд худалдаа хийх арга замаа өөрчилбөл яаж байна? Утсаа цааш нь тавиад бай! /Монгол улсад байх хэрэглэгчдэд тус апп үйлчлэхгүй байна/
TRELLO – ХИЙХ АЖЛУУДАА ЦЭГЦЭЛ
Би Треллог хэрэглэх дуртай. Цоолтууртай, хийх зүйлийн жагсаалт бичих тусгай талбартай, хэрэгцээт мэдээлэл бүхий тэмдэглэлийн дэвтэрний талаар төсөөл. Тэгвэл Трелло нь энэ бүхнийг нэгтгэснээс гадна хүссэн зүйлээ нэмж хадгалдаг, текстийг өнгө оруулах тохиргоо, төлөвлөгөөн дээр сэрүүлэг тавих тохиргоо, хэрэгцээт интернэт хаяг хадгалах тохиргоо гээд цаасан тэмдэглэлийн дэвтрээс илүү боломжийг олгох таны “хувийн тэмдэглэл хөтлөх” апп юм.Энэ бол хийх ажлын жагсаалтаа хянаж, түүний биелэлтэнд анхаарал хандуулах хамгийн амархан бөгөөд дэвшилтэт арга зам бөлгөө.
Хамгийн гайхалтай нь, тус апп үнэгүй юм. Хэрэв та Треллогоос гадна, адил төрлийн өөр апп сонирхож байгаа бол Evernote, Wunderlist, Anydo зэргийг шалгаж үзээрэй.
DROPBOX – КОМПЬЮТЕРТ УЧРАХ ЭРСДЭЛЭЭС ХОЛУУР БАЙ
Орчин цагт хэрэгцээт файлаа алдах нь байж боломжгүй муу зүйл. Таны файлууд ямар ч замаар алдагдсан байж болно. Гэвч “Миний компьютер эвдэрээд файлуудаа устгачихлаа” гэж хэн нэгэнд хэлэх нь Dropbox шиг үйлчилгээ дэлгэрсэн өнөө үед та өөрийгөө бусдын өмнө эвгүй байдалд оруулж байгаатай адил зүйл юм.Хэрэв та тус үйлчилгээнд бүртгэлгүй бол яг одоо бүртгүүлж, компьютер дээр байх алдаж боломгүй хэрэгцээт файлуудаа хуулж тавиарай. Бидний хувьд бие даалт, эсээ, хавтаст хэргийн товчлол, хичээлийн лекцүүд гээд хуулийн сургуульд хийж бүтээсэн бүхнээ хадгалбал зохистой. Ийнхүү хуулж, хадгалсан бол Dropbox аккаунтыг найдвартай нууц үгээр хамгаалж өгөх хэрэгтэй.
Дүгнэхэд, таны компьютер эвдэрсэн, хулгайлагдсан аль ч тохиолдолд бүхнээс үнэ цэнтэй файлууд тань аюулгүй газар байрласаар байх юм.
GENIUS SCAN – PDF ФАЙЛ СКАННЕРДАХ
Хэрэгцээт баримт бичгийг сканнердаад мэйлээр илгээх хуучны арга барил өнөөдөр ашиглагдсаар л байна. Тус програмаар та гар утсаараа зураг, баримт бичгийг өндөр чанартай PDF болгон сканнердаж, илгээх боломжтой юм. Үүнийг та даатгалын нөхөн төлбөрийн материал илгээх, баримт бичгэн дээр гарын үсэг зурах, хэрэгцээт баримтыг сканнердаж хадгалах гэх мэт замаар ашиглах боломжтой байна.FLIPBOARD – НИЙГМИЙН СҮЛЖЭЭНЭЭС БҮХНИЙГ МЭД
Танд нэгэн сэтгүүл байлаа гэж бодоход, тэр нь таны уншихыг хүсч байсан мэдээлэл, таны сонирхолд нийцсэн сэдвээр дүүрэн байвал ямар вэ? Таалагдаж байвал, Flipboard аппыг танилцуулж байна. Хамгийн гоё нь та тэдгээр мэдээллийг уншихын тулд төлбөр төлөх шаардлагагүй, ямар нэгэн биет сэтгүүл барьж явах шаардлагагүй. Flipboard програм нь таны сонирхол дээр суурилж, нийгмийн сүлжээний сайтууд болон бусад веб сайтуудаас мэдээлэл цуглуулж үзүүлэн, таныг хуудас бүрийг нь эргүүлж уншихад хүргэдэг. Энэ апп зарим гар утаснуудад үйлдвэрээсээ суусан ирдэг юм билээ. Танд хуулийн сургуулийн мэдээлэл хэрэгтэй гэвэл, биднийг Flipboard дээрээ нэмээрэй!TWITTER – САЛБАРЫН МЭДЭЭЛЛЭЭС БҮҮ ХОЦОР
Интернэт хэрэглэдэг бүхий л хүн Твиттерийн талаар сонссон байх. Энэ бол хуулийн салбарын мэдээллийг цаг тухай бүрт нь авч байх, салбарын хүмүүстэй холбогдох, таны чадварт нөлөөлөх хэрэгцээт мэдээллийг авч байх чухал суваг юм. Энд дарж, биднийг Твиттер дээр дагаарай!LINKEDIN – МЭРГЭЖЛИЙН СҮЛЖЭЭГ БИЙ БОЛГО
Твиттерийг мэддэг бол, та Линкэдинийг ч сайн мэддэг байх учиртай. Хуулийн салбарын улсуудтай цуг “мэргэжлийн” тодотголтой нийгмийн сүлжээнд байх нь Фэйсбүүк, Инстаграм шиг хөгжилтэй биш байх ч, оюутан та үнэ цэн бүхий ажил хэргийн харилцаа холбоог чухам Линкэдинийн орчинд л бий болгож чадах юм. Хэрэв та тус сүлжээнд бүртгэлгүй бол яг одоо бүртгүүлж, мэргэжил нэгт хүмүүстэй танилц. Хожим ажил хайхад тань хэрэг болох ч юм билүү.HEADSPACE – БЯСАЛГАЖ СУРАХ НЬ
Бясалгал хийх нь таны анхаарал төвлөрөл, оюун ухаан, аливаад хандах хандлага, эрүүл мэндэд тустай үр дүнг өгдөг. Headspace бол бясалгаж сурах хүсэлтэй шинэ хүмүүст зориулсан апп. Та өдөр бүр 10 минутыг үүнд зарцуулснаар орчны чимээ шуугианыг далай эрэг дээр байгаа мэтээр солих чадварт суралцах юм.SLEEP PILLOW SOUNDS ЭСВЭЛ RELAX MEDLODIES – ХҮҮХЭД ШИГ УНТ
Хэрэв та шөнө унтаж чадахгүй, олон олон бодлууд толгой дотор тань эргэлдээд байвал магадгүй танд хүрээлэн буй орчны дуу чимээ тус болж болох юм. Энэ нь таныг тайвшруулж, байгалийн сайханд амрах мэт мэдрэмжийг өгнө. Мөн дуу чимээнүүдийг хольж сонсох боломжтой – бороо, хүрэлзгэнэ, далайн давалгаа, салхинд зөөлөн цохигдох хонх гэх мэт. Танд сануулж хэлэхэд, хэрэв та сандлын чахрах дуу болон аадар борооны дууг хослуулбал, яг л аймшгийн кино аятай мэдрэмжийг өгдөг юм билээ шүү.WAY OF LIFE ЭСВЭЛ HABIT LIST – ЗОРИЛГОДОО ХҮР
Заримдаа бид хүссэн зүйлээ биелүүлэхдээ хэн нэгнийг панаалдах, хахуульдах, өөрийгөө урамшуулахыг хүсдэг бол заримдаа зүгээр л зорилгоо биелүүлснийг тань батлах сонирхолтой график хангалттай санагддаг. Хэрэв та унших ёстой номоо гүйцээх, хичээлийн дараа сэдвийг өөрийн ойлгосноор буулгах, өдөр бүр фитнесээр хичээллэх, 2 литр ус уух, эм уух зэргийг мартаад байвал дээрх 2 апп танд тус болох юм. Та өдөр бүр тодорхой зорилго тавьж, өөртөө эерэг өөрчлөлтийг бий болгоорой.Эх сурвалж: Ariel Salzer, LawSchoolToolbox
Зургийг: cuncon, Pixabay
Comments