Оюутнуудын дотны найз “Кофе”

Оюутнууд хичээл ихтэй үеэр, шалгалтад бэлдэхээс авахуулаад оройн цагаар суух зайлшгүй шаардлага тулгардаг. Эдгээр өдрүүдэд бидний найз “кофе” болдог билээ. Учир нь манай нийгэм дунд кофе нь хүний нойрыг хүргэдэггүй, сэргэг байлгадаг гэсэн ойлголт байдаг, нөгөө талаас эрүүл мэндэд муутай гэх мэт. Нарийн учрыг нь мэдэхгүй ч энэ ундаа нь хүний эрүүл мэндэд тустай болох нь шинжлэх ухаанаар нэгэнт батлагдсан хэмээн МҮОНТ-ээр дөнгөж сая ярьж байхыг сонслоо.

Сайн тал нь, хоол шингээх, цусны эргэлтийг сайжруулах, сэтгэл санааг тайвшруулдаг, эрч хүч сэргээх, нойрноос салгах гэх мэт. Харин муу тал нь, кофег хэвийн хэмжээнээс ихээр хэрэглэдэг бол яваандаа хүний биеийн ясыг сийрэгжүүлдэг, толгой өвтгөдөг, судасыг нарийсгадаг муу нөлөөтэй гэжээ.

Сүүлийн үед хүмүүс байгалийн гаралтай цэвэр бүтээгдэхүүн хэмээн хар кофег дангаар нь хэрэглэх болсон, энэ нь ч зөв сонголт. Харин оюутнууд яадаг билээ, лав л дийлэнх нь түргэн найруулагддаг олон хольц бүхий ууттай кофег ууж байгаа (үүнд би багтана, хар кофег таашаадаггүй юм), энэ нь тийм ч зөв сонголт биш бололтойдог шүү. Кофег нэг удаадаа уухдаа хар бол 100 граммаар, бусад хольцтой бол 200 граммаар хэрэглэнэ. Би лав цаашдаа instant coffee mix хэрэглэсээр л байна, гэхдээ тунг нь тааруулж.